Çağdaş Azərbaycan Mətbuatının öncüsü

Çağdaş Azərbaycan mətbuatı müstəvisində Globalinfo.az-ın müstəsna yeri vardır. Nəzərə alsaq ki, bu gün daha çox hay-küyə yönələn kütlənin psixologiyasına hesablanmış saysız mətbu orqanlar mediamızı zəbt etməkdədir. Belə bir toplumun və zamanın içində Globalinfo.az kollektivi qarşıya qoyduğu məqsədlərindən və doğru bildiyi yoldan dönmədən külüng çarpan fədakar, məhsuldar, örnək bir mühit yaradıblar. Hər birinə Eşq olsun!
Mövzulara adil və vicdanlı yanaşmasıyla, informasiya məkanına "istehsal edərək çıxardıqları dürüst və qərəzsiz xəbərlərlə 2 ildir ki, Globalçılar cəmiyyəti düşündürən, elmi-nəzəri, ədəbi-estetik, fəlsəfi-ictimai aktuallıq kəsb edən yazılarla peşəkar mövqe sərgiləməkdədirlər.

Övladın sonbeşiyini sanki daha çox əzizləyir adam... Sonbeşiklər bəlkə də yaşımızın kamil bir dönəmində həyatımıza ərməğan olduqları üçün onları daha yaxşı yetişdirə, böyüdə bilirik. Globalinfo.az   Əziz Azər bəyin sonbeşik övladıdır. Saytın mükəmməl dizayn görünüşündən tutmuş, orda yer alan hər bir xəbərin intizamından dəyərli Azər bəyin səliqə-səhmanı boylanır. Azər bəyin özünəməxsus üslubu, yazı manerası, xarakterinə yansıyan dövlət ərkanı, xoş məramı, səmimiyyəti onunla kəlmə kəsən hər kəsin qəlbində Azər bəyə böyük rəğbət yaradır.
“Bizim yolumuz tikanlıdır, ayağını sevənlər bizimlə gəlməsin.” – deyir Seyid Qütbi… Bu gün Azər Ayxan milli məfkurəli böyüklərimizin bizə mənəvi miras qoyub getdiyi o cəfalı Yolun tikanına, çökəyinə, kələ-kötürünə, çala-çuxuruna baxmadan yorulmadan, yenilmədən, ləyaqətlə, şərəflə o Haqq yolunu yürüməkdədir…
Məhəmməd Əmin Rəsulzadənin Cumhuriyyət işığını, İsmayıl bəy Qaspıralının “dildə, fikirdə, işdə birlik” amalını, Əli bəy Hüseynzadənin “Qırmızı qaranlıqlar içində yaşıl işıqlar” yandıran türkçü düşüncəsini, Bütöv Azərbaycan məfkurəsini günümüzə daşıyan və hər daim gündəm olmasını qoruyub sağlayan milli məfkurəli, türk qanlı, islam imanlı, Turan sevdalı sağlam Əqidə Adamıdır Azər Ayxan…
Onun başqanlığında 
Globalinfo.az-ın ortaya qoyduğu hər bir mətndə, gerçəkləşdirdiyi hər bir layihədə, gördüyü hər bir işdə milli yol, milli məfkurə, saf və sağlam əqidə, türkçülük hərarəti, Turan sevdası duyulmaqdadır.
Bakı küləklərinin hansı səmtə əsməyindən asılı olmayaraq Azər Ayxan Dağlar oğlu olduğunu, dağ əyilməzliyini, onurlu və məğrur duruşunu, yenilməzliyi, küləyin istiqamətinə yön dəyişməzliyini, peşə vicdanına, yoluna, qələminə sədaqətini öz dəsti-xətti ilə çoxdan ortaya qoyub – həm də ən gözəl hüsn – xətlə… Tanrı qorusun!
Bütün bağlılıqların – dostluqların, doğmalıqların özəyində, təməlində güvənmək, inanmaq ehtiyacı dayanır. Azər Ayxan özü böyüklükdə güvən duyğusu sağlayan Adamdı… O varlığı, saf enerjisi ilə, bu yaşa qədər körpə məsumiyyətini qoruduğu ürəyiylə insana elə bir güvən bəxş edir ki, onunla Tanrı dağlarına qədər çiyin-çiyinə piyada yürümək olar…
Azər bəy bizim doğmamız, dəyərli qardaşımızdır. Onun başqanlığında bütün Globalinfo.az ailəsini ürəkdən təbrik edir, böyük Zərdabi babamızın bina etdiyi qutlu yolda başarıyla addımlamağı diləyirik!